Надзорен одбор

Претседател и независен член на Надзорниот одбор

Гордана Гацева по професија е дипломиран правник, магистер по правни науки. Додипломските студии ги завршува на Правниот факултет при Универзитетот Св. Кирил и Методиј во Скопје. По завршување на додипломските студии успешно го положува и правосудниот испит. Постдипломските студии ги завршува на Универзитетот Американ Колеџ Скопје на отсекот по деловно право и се стекнува со титула магистер на правни науки.

По комплетирање на формалниот дел на образованието, во периодот од август 1992 година до декември 1993 година, Гордана Гацева работи како референт за работни односи во Сковин Скопје. Во периодот од јануари 1994 до септември 1999 година работи во Основниот суд Скопје 2 Скопје. Понатаму, од април 1999 година до септември 2004 година работи како раководител на правен сектор во Радобанка АД Скопје. Од октомври 2004 до денес, Гордана Гацева работи како адвокат партнер во Адвокатското друштво Трпески и Гацева во Скопје.

Гордана Гацева ја извршува функцијата независен член на Надзорниот одбор од октомври 2022 година.

На ден 9.11.2023 година со одлука на Надзорен Одбор бр. 02-15514/1/I-1 г-ѓа Гордана Гацева е именувана за претседател и независен член на Надзорен одбор.

член  на Надзорен одбор

Стевчо Јолакоски е дипломиран правник, доктор на науки од областа на безбедноста.

Својата професионална кариера ја започнува во 2001 година прво како приправник во Основен суд Скопје 2 ‒ Скопје, а потоа како стручен соработник кај адвокат, понатаму својата кариера ја продолжува на позиција правник во ТИМ ДОО Скопје, а од 2006 година до денес е вработен во Министерството за транспорт и врски на Република Северна Македонија. Во моментот е на работна позиција државен советник за патен сообраќај.

Функцијата член на Надзорниот одбор на Стопанска банка а.д. Битола ја извршува од 2017 година.

Член на Надзорен Одбор

Антони Пешев е Дипломиран Електро инженер во областа на компјутерско инженерство и информатика и автоматика на Факултетот за електро техника – Универзитетски центар за математички и технички науки – Универзитет Св. Кирил и Методиј – Скопје, Магистерски студии завршил на Факултетот за бизнис, економија и менаџмент на УАЦС – Универзитетот Американ колеџ Скопје  (UACS University American College Skopje).

Имено, своето работно искуство го започнува во 1988 до денес како Со-основач и ко-сопственик во Ултра доо Скопје/ Унет доо Скопје кои се две водечки ИТ компании во областа на  ИТ комплетните решенија и ИСП провајдерски сервиси во Република Северна Македонија.

Во периодот од 1991 до 1992 работи како Основач и прв претседател на Комората на приватен капитал на Македонија.

 Од 1992 до 1993 работи како Министер во Владата на Република Македонија, Министерство за урбанизам, градежништво, сообраќај и екологија.

Во периодот од 1998 до денес работи како Основач на 1st Inter - Balkan IT Forum и член на организациониот комитет на Inter-Balkan Information Technology Forums.  Од 2000  до  денес е Член на SECI Country committee for Republic of Macedonia.

Од 2000 до 2003 е Основач и прв претседател на МАСИТ–Комора на информатичко комуникациски технологии.

Во периодот од 2000 до 2005 работи како основач и претседател на American - Macedonian Chamber of Commerce AmCham – Macedonia.

Од 2003 до 2004 е Член на Претседателскиот комитет - “E – Македонија за сите”.

Во периодот од 2005 до 2010 работи како Потпретседател на Стопанска комора на Македонија – одговорен за интернационалната активност на комората – основач и ко-организатор на Советот на странски инвеститори.

Од 2007 до 2008 работи како претседател на Ротари клуб Скопје.

Во периодот од  2014 до 2017  работи како  Претседател на Деловниот совет (BC) на УАЦС – Универзитетот Американ колеџ Скопје  (UACS University American College Skopje), Претседател на Деловниот совет (BC) на факултетот за компјутерски науки и информатика.

Од 2009  до денес работи како Член на BAC - Business Advisory Council for South Eastern Europe.  Од 2015  до 2021 работи како  претседавач со Собранието на Стопанска комора на Северна Македонија. Од 2011 до денес работи како Член на Националниот совет за евроинтеграции во Собранието на Македонија Од 2011 до денес работи како Предавач – гостин на УАЦС – Универзитетот Американ колеџ Скопје и Економскиот факултет на Универзитет Св. Кирил и Методиј – Скопје. Од 2021 до денес работи како Извршен директор на Стопанска комора на Северна Македонија. Воедно е и Член на Надзорен Одбор во Империал Тобако.

На ден 28.11.2023 година со одлука на Надзорен Одбор бр. 02-16381/1/II.1-20 г-дин  Антони Пешев  е именуван за независен член на Надзорен одбор.

член  на Надзорен одбор

д-р Игор Камбовски е дипломиран правник со положен правосуден испит, магистар по деловно право. Во октомври 2007 година д-р Игор Камбовски пријавил докторска дисертација на Правниот факултет „Јустинијан Први“ во Скопје со наслов „Електронска трговија и електронски договор“ и истата јавно ја одбранил на 13.10.2009 година, со што се стекнал со титула доктор на правни науки.

Господин д-р Игор Камбовски, поседува богато професионално искуство.

По положувањето на правосудниот испит својата професионална кариера ја започнува како советник и државен советник во Канцеларијата на Народниот правобранител-Омбудсман. Понатаму, својата професионална кариера ја продолжува на Факултетот за правни науки на Првиот Приватен Универзитет ФОН, најнапред како помлад асистент и асистент од областа на граѓанско-правните дисциплини. По одбраната на докторската дисертација, д-р Игор Камбовски е избран во титула доцент на Граѓанско-правната област на Факултетот за правни науки на ФОН Универзитетот, а на 18.09.2014 година е избран во повисоко наставно-научно титула-вонреден професор во научна област Граѓанско право. Исто така за период од една година од септември 2010 до октомври 2011 година д-р Игор Камбовски бил декан на Факултетот за правни науки на ФОН Универзитетот. Во 2015 година д-р Игор Камбовски преоѓа во редовен работен однос на Правниот факултет при Универзитетот „Гоце Делчев“ во Штип, каде во мај 2015 година исто така е избран во титула вонреден професор, а од септември 2015 година е избран и за раководител на Катедрата за граѓанско право.

Воедно, д-р Игор Камбовски е автор на педесетина научни и стручни трудови во меѓународни и домашни публикации.

Д-р Игор Камбовски бил независен член на Надзорниот одбор на Поштенска банка А.Д. Скопје од 22.12.2008 до 30.06.2014 година, односно до статусните промени и припојувањето на Поштенска банка кон Еуростандард Банка АД Скопје.

Од 2012 година до денес ја обавува функцијата член на Бордот на директори на БИМИЛК-Млекара АД Битола.

На ден 3.7.2024 година на 53 та седница на Собрание на Стопанска Банка ад Битола е именуван д-р Игор Камбовски за член на Надзорен одбор