Почитувани клиенти,
Согласно законската регулатива во делот на засилена автентикација на клиентот при извршување на бесконтактни платежни трансакции засновани на картичка, Ве информираме дека е направена измена при извршување на бесконтактни платежни трансакции со дебитни и кредитни картички издадени од Банката, и тоа:
- Доколку поединечниот износ на бесконтактната електронска платежна трансакција на ПОС терминал надминува 3.000,00 денари мора да биде автентицирана со ПИН. Во спротивно, истата ќе биде одбиена.
- Доколку со картичката се извршени 5 последователни бесконтактни трансакциии на ПОС терминал без ПИН, следната бесконтактна трансакција мора да биде автентицирана со ПИН. Во спротивно, истата ќе биде одбиена.
- Доколку вкупниот кумулиран износ на сите бесконтактни трансакции на ПОС надминува 9.000 денари од моментот на последната трансакција автентицирана со ПИН, следната бесконтактна трансакција мора да биде автентицирана со ПИН, независно од износот на трансакцијата. Согласно тоа, доколку при наредната бесконтактна трансакција не биде побаран ПИН (на пр. за трансакција од 500 мкд), оваа трансакција ќе биде одбиена.
ВАЖНО: Доколку имате одбиена трансакција при бесконтактно плаќање, за која се исклучени останати причини за одбивање (на пр. статус на картичка, салдо на сметка, дневни лимити и др.), Ве молиме побарајте од трговецот да биде извршена контактна трансакција со процесирање на чип/магнетна лента (во случај ПОС терминалот да не процесира чип) и ПИН.
По направена контактна трансакција се ресетира износот/бројот на трансакции и повторно може да се прават бесконтактни трансакции